Ózbekstan Respublikası ministrler Keńesiniń 2022-jıl 4-iyul kungi “Dene tárbiyası hám sport boyınsha qánigelerdi qayta tayarlaw hám qánigeligin asırıw sistemasın jáne de jetilistiriw ilajları haqqında”ǵı 355-san qararı mazmun-mánisin hám Dene tárbiyası hám sport boyınsha qánigelerdiń qánigeligin asırıw kurslarınıń sholkemlestiriliwi boyınsha Dene tárbiyası hám sport boyınsha qánigelerdi qayta tayarlaw hám qánigeligin asırıw institutı Nókis filialı tárepinen usı jıldıń 17-avgust kúni onlayn seminar sholkemlestirildi.
Seminarda Qaraqalpaqstan Respublikası Mektepke shekemgi hám mektep bilimlendiriw sistemasında jumıs alıp barıp atırǵan barlıq dene tárbiyası páni oqıtıwshıları hám dene tárbiyası instruktorlari qatnastı.
Seminar sheńberinde:
Qánigeligin asırıw kurslarına tartılatugın dene tárbiyası páni hám sport túrleri boyınsha trener oqıtıwshılardıń kásiplik iskerlik nátiyjelerin bahalaw kriteryaları boyınsha túsindiriw jumısları alıp barıldı hám de óz-ara pikirler almasildi.
