Usı jıldıń 5-sentyabr kúni Dene tárbiyası hám sport boyınsha qánigelerdi qayta tayarlaw hám qánigeligin asırıw institutı Nókis filialı hám Poles mámleketlik universiteti ortasında onlayn tárzde sheriklik shártnamasına qol qoyıldı. Shártnamaǵa qol qoyıw processinde Belarus mámleketlik bilimlendiriw ministiri Ivanets Andrey Ivanovich, Poles mámleketlik universiteti rektori Dunay Valeriy Ivanovich hám Nókis filialı administraciyası qatnastı hám búgingi kúndegi sport hám bilimlendiriw tarawındaǵı jańalıqlar haqqında pikir almastı.
Tárepler bul shártnama sheńberinde:
✅ sport pedagogikası hám sportshılardı sportqa tayarlaw procesi temasında sheriklikte ilimiy izertlew jumısların alıp barıwǵa kómeklesiw;
✅ olimpiada hám paralimpiya sport túrleri boyınsha metodik materiallar almaslawdı ámelge asırıw ;
✅ sportshılardı sportqa tayarlaw ámeliyatına innovciyalıq texnologiyalardı aktiv qollanıwda kómeklesiw sıyaqlı jumıslarda birgelikte islesiw boyınsha kelisip aldı.
