Извините, этот текст доступен только на “Qaraqalpaqsha” и “O`zbekcha”.
Usı jıldıń 8-may kúni Ózbekstan mámleket sport akademiyası janındaǵı Dene tárbiyası hám sport boyınsha qánigelerdi qayta tayarlaw hám bilimin asırıw institutı Nókis filialında xızmetkerler hám bilimin asırıw kursı tıńlawshıları qatnasıwında 9 -may Eslew hám qádirlew kúni múnásebeti menen ilaj ótkerildi.
Ilajǵa Awǵan urısı qatnasıwshısı M. Qudaybergenov miyman retinde mirát etilip qatnasıwshılarǵa urısta basınan keshirgen qıyınshılıqları haqqında aytıp berdi hám olarǵa búgingi paraxatshiliq zamanımızdıń qadirine jetiwimiz zárúr ekenligin aytıp ótti.
Ilajdan keyin qatnasıwshılar Nókis qalasındaǵı Ekinshi jáhán urısı qatnasıwshısıları hám “Hásiretli ana” esteligine barıp gúlsheńberler qoydı. Bunnan soń “Watan pidayıları baǵı”na kelip ondaǵı eksponatlar menen tanıstı.
