Usı jıldıń 21-iyun kúni Dene tárbiyası hám sport boyınsha qánigelerdi qayta tayarlaw hám qánigeligin asırıw Institutı Nókis filialı tárepinen XALÍQ-ARALÍQ TÁJIRIYBELER ALMASÍW hám tarawdaǵı xalıq aralıq tájiriybelerdi dene tárbiyası hám sport boyınsha qánigelerdiń qánigeligin asırıw procesine qollanıw etiw maqsetinde Qırgızıstan Respublikası Osh Mámleket universitetiniń dotsenti Kuliyev Baqitbay Mamasaitovich qatnasıwında “VOLEYBOL SPORTINÍŃ TÓRESHILIK QAǴÍYDALARÍ” temasında zoom programması arqalı onlayn seminar shólkemlestirildi.
Seminarda Dene tárbiyası hám sport boyınsha qánigelerdi qayta tayarlaw hám qánigeligin asırıw Institutı professor-oqıtıwshıları, Nókis hám Ferǵana filalı professor-oqıtıwshıları hám iyun ayında Buxara oblastında shólkemlestirilgen kóshpeli bilimlerdi jetilistiriw kursına kelgen tıńlawshılar qatnastı.
Seminar dawamında qatnasıwshılarǵa voleybol sportı texnikası hám taktikasi, tóreshilik qılıwdıń ayriqsha qaǵıydaları hám usılları haqqında keń túsinikler berildi. Qatnasıwshılar ózleriniń qızıqtırǵan sorawlarına juwap aldı hám voleybol sportı haqqındaǵı eń sońǵı maǵlıwmatlarǵa ıye boldı.
