Usı jıldıń 26 -iyul kúni Qaraqalpaqstan Respublikası Jaslar siyasatı hám sport ministrliginiń gezektegi keńeytirilgen Kollegiya jıynalısı bolıp ótti. Jıynalıstı Qaraqalpaqstan Respublikası Jaslar siyasatı hám sport ministri A. Allanazarov alıp bardı.
Jıynalısta usı jıldıń ótken 6 ayı dawamında ámelge asırılǵan jumıslar hám sportshılardıń jetiskenlikleri, keyingi yarım jılda bolıp ótetuǵın jarıslarǵa tayarlıq processleri, sonıń menen birge Paralimpiya oyınları boyınsha máseleler kórip shıǵıldı.
Dene tárbiyası hám sport boyınsha qánigelerdi qayta tayarlaw hám qánigeligin asırıw institutı Nókis filialı direktorı Q. Mamutov Nókis filialında qánigeligin asırıw kursları rejesiniń orınlanıwı hám de 6 ay dawamında ámelge asırılǵan jumıslar haqqında maǵlıwmat berdi.
