Ózbekstan Respublikası Turizm hám sport ministrliginiń 2022-jıl 14- yanvarındaǵı “Turizm hám sport ministrliginde informaciya qawipsizligin támiyinlew ilajları haqqında”ǵı 33 A/f-sanlı buyrıǵınıń orınlanıwın támiyinlew maqsetinde Nókis filialında usı jıldıń 3-fevral kúni filialdıń xabar qawipsizligin támiyinlew boyınsha juwapker qániyge N. Begjanova tárepinen filial xızmetkerleri xabar qawipsizligin támiyinlew boyınsha seminar ótkerildi.
Seminardı direktordıń oqıw hám ilimiy isler boyınsha orınbasarı J. Abatov ashıp berdi hám seminar qatnasıwshısılarına jumıs waqtından únemli paydalanıw, búgingi texnika hám texnologiyanıń jedel rawajlanıp atırǵan dáwirinde internetten hám social tarmaqlardan paydalanıw tártibi hám mádeniyatı haqqında aytıp ótti.
Sonnan keyin N. Begjanova sózge shıǵıp jumıs ornında jumıstan tısqarı foto, audio, video hám de jeke maǵlıwmatlardıń saqlanıwına qatań shek qoyılıwı haqqında túsinikler berip ótti.
