Sorry, this entry is only available in Qaraqalpaqsha, O`zbekcha and Русский.
Nókis filialında 21-oktyabr — Ózbek tiline mámleketlik til mártebesi berilgen kún múnásibeti menen «Mámleketlik til — milliy máńawiyatımızdıń simvolı» temasında máńawiy-aǵartıwshılıq ilajı shólkemlestirildi.
Ilajda Berdaq atındaǵı Qaraqalpaq mámleketlik universiteti Ámeliy filologiya kafedrası docenti Zamira Dauletmuratova hám Seregul Nzanova qatnastı.
Ilaj dawamında qatnasıwshılarǵa 1989-jıl 21-oktyabrde ózbek tiline mámleketlik til mártebesi berilgeni, ana tilimizdiń tariyxıy rawajlanıwı, bay imkaniyatları hám jámiyet turmısındaǵı ornı haqqında keń maǵlıwmatlar berildi.
21-oktyabr — Ózbek tili bayramı múnásibeti menen shólkemlestirilgen bul ilajdıń tiykarǵı maqseti ózbek tiliniń mámleketlik til sıpatındaǵı abırayın arttırıw, ana tiline bolǵan húrmet hám itibarın kúsheytiw, xızmetkerler hám tıńlawshılar arasında milliy qádiriyatlarǵa hám máńawiy miyrasqa sadıqlıq sezimlerin qáliplestiriwden ibarat boldı.
