Извините, этот текст доступен только на “Qaraqalpaqsha” и “O`zbekcha”.
Dene tárbiyası hám sport boyınsha qánigelerdi qayta tayarlaw hám qánigeligin arttırıw institutı Nókis filialında 2022-jıl 22-fevral kúni 2008-jıl XXIX Pekin (Kitay ) jazǵı Olimpiada oyınları qatnasıwshısı hám Xalıq aralıq jarıslarda dzyudo boyınsha joqarı orınlardı iyelegen dzyudo boyınsha sport ustası Jjurayeva Zinura Abdukarimovna menen “Sáwbet” shólkemlestirildi. Sáwbetke Nókis filialı professor -oqıtıwshıları hám fevral ayı “Sport túrleri boyınsha trene-oqıtıwshılar” baǵdarı tıńlawshıları qatnastı. Sáwbet dawamında Zinura óziniń sport salasında erisken tabısı, tájiriybesi hám qarsılasları haqqında aytıp berdi. Sonıń menen birge shet mámleketlerdiń sportqa bolǵan itibarı hám Ózbekstan Respublikasında sportqa bolǵan itibar hám jaratılıp atırǵan imkaniyatlar haqqında aytıp ótti.
