Xalqımızdıń kóp ásirlik materiallıq, ilimiy-bilimlendiriw , intellektuallıq potencialınıń jarqın hám bahasız jemisi bolǵan ózbek tili jáhándeǵı bay hám áyyemgi tillerden biri bolıp tabıladı. Búgingi globallasıw dáwirinde hár bir xalıq, hár bir ǵárezsiz mámleket óz milliy máplerin támiyinlew, buǵan baylanıslı áwele óz mádeniyatın, ázeliy qádiriyatların, ana tilin saqlap -álpeshlew hám rawajlandırıw máselesine áhmiyet qaratıwı tábiy bolıp tabıladı.
Ózbekstan Respublikasınıń 1989 jıl 21 oktyabrde qabıl etilgen “Ózbekstan Respublikasınıń mámleketlik tili haqqında” ǵı 3561-XI-sanlı Nızamınıń 1-statyasında Ózbekstan Respublikasınıń mámleket tili ózbek tili ekenligi, Ózbekstan Respublikası ózbek tilin rawajlandırıwı jáne onıń siyasiy, social, ekonomikalıq hám materiallıq turmıstıń barlıq tarawlarında ámel etiwin támiyinlewi belgilep qoyılǵan. Sol múnasábet penen 2021-jıl 20 -oktyabr kúni Nókis filialında oktyabr ayı “Sport túrleri boyınsha trener oqıtıwshılar” baǵdarı tıńlawshıları hám xızmetkerlerge “Sociallıq pánler” kafedrası baslıǵı N. A. Tleubergenova hám kafedra oqıtıwshısı E. Tleuovlar tárepinen “Til-millet aynasi” temasında ilaj ótkerildi.
