Ózbekstan mámleketlik dene tárbiyası hám sport universiteti Nókis filialında 2023/2024-oqıw jılı ushın oqıwǵa qabıllaw ushın usı jıldıń 24 iyuldan – 2 avgust kúnine shekem ótkeriletuǵın kásiplik (dóretiwshilik) imtixan processlerin baqlaw boyınsha Jaslar siyasatı hám sport ministrligi tárepinen bir qatar qánigeler qatnasıwı talap etilgen.
Qadaǵalawshılar qatarında Dene tárbiyası hám sport boyınsha qánigelerdi qayta tayarlaw hám qánigeligin asırıw institutı Nókis filialı bólim baslıǵı J. Kaypov qatnaspaqta.
Eskertip ótemiz, búgin Qaraqalpaqstan Respublikası Jaslar siyasatı hám sport ministri A. Allanazarov basshılıǵında , qabıl komissiyası aǵzaları hám xatkerleri qatnasıwında imtixan processleri ashıqlıǵın támiyinlegen halda joqarı dárejede shólkemlestiriw boyınsha seminar shόlkemlestirildi.
