Usı jıldıń 18-iyun kúni Dene tárbiyası hám sport boyınsha qánigelerdi qayta tayarlaw hám qánigeligin asırıw Institutı Nókis filialı tárepinen XALÍQ-ARALÍQ TÁJIRIYBELER ALMASÍWÍN maqsetinde Kazaxstan Respublikası Almatı qalasındaǵı Abay atındaǵı Qazaq milliy pedagogikalıq universitetіniń “Informatika hám tálimdi axboratlashtırıw kafedrasi”nıń úlken oqıtıwshısı Bedelov Qambar Amangeldievich qatnasıwında “Internet xızmetleri: elektron pochta, qıdırıw sistemalarınan paydalanıw” temasında zoom programması arqalı onlin seminar shólkemlestirildi.
Seminarda Dene tárbiyası hám sport boyınsha qánigelerdi qayta tayarlaw hám qánigeligin asırıw Institutı “Oqıw procesin ilimiy informaciya menen támiyinlew hám de ilimiy-metodika bólimi” baslıǵı S. Názerov, Nókis filali professor -oqıtıwshıları, Abay atındaǵı Qazaq milliy pedagogikalıq universitetіniń “Informatika hám tálimdi axboratlashtırıw kafedrasi”nıń professor -oqıtıwshıları hám iyun ayında Buxara oblastında shólkemlestirilgen kóshpeli bilimlerdi jetilistiriw kursına kelgen tıńlawshılar qatnastı.
Seminar dawamında qatnasıwshılar biz jasap turǵan texnika hám texnologiya ásirinde Internet tarmaǵınıń sport salasındaǵı áhmiyeti hám tarawǵa tiyisli maǵlıwmatlardı alıwda Internet xızmetlerinen paydalanıw boyınsha eń sońǵı maǵlıwmatlarǵa ıye boldı.
