Извините, этот текст доступен только на “Qaraqalpaqsha” и “O`zbekcha”.
Ismoniy tárbiya hám sport boyınsha qánigelerdi qayta tayarlaw hám qánigeligin asırıw institutı Nókis filialında Ózbekstanda xızmet kórsetken tárbiyashı Paxomov Vladimir Yurevich hám xalıq aralıq dárejedegi hám Qaraqalpaqstanǵa xızmet kórsetken tόreshi Davletyarov Batır Tolebayevichlar qatnasıwında sáwbetlesiw sholkemlestirildi.
Sáwbetlesiwde iyun ayı qánigeligin asırıw kursı “Sport túrleri boyınsha trener oqıtıwshılar” baǵdarı Akademik eskek esiw hám júziw toparı tıńlawshıları, professor -oqıtıwshılar qatnastı.
Sáwbetlesiwde V. Paxomov akademik eskek esiw sportı tariyxı, bul sporttıń Qaraqalpaqstanda rawajlanıwı, shákirtleriniń tabısları haqqında tıńlawshılarǵa keń maǵlıwmatlar berdi. Óz gezeginde xalıq aralıq dárejedegi tόreshi B. Davletyarov akademik eskek esiw sport túrinde paydalanılatuǵın zamanagóy usıllar, zamanagóy sport úskeneleri haqqında maǵlıwmat berdi. Sáwbetlesiwde tıńlawshılar ózlerin qızıqtırǵan sorawlarına tolıq juwaplar aldı.
