Sorry, this entry is only available in Qaraqalpaqsha and O`zbekcha.
2021 jıl 8-oktyabr kúni Nókis filialında “Sport pánleri” kafedrası oqıtıwshı Orazbayeva Nawbaxardıń “Sport túrleri boyınsha trener oqıtıwshılar” baǵdarı tıńlawshılarına “Sport fiziologiyasi” moduli boyınsha “Sport iskerliginde organizm jaǵdaylarına ulıwma xarakteristika ” temasındaǵı “Ashıq sabaǵı” ótildi.
Ashıq sabaqta Sportshılardıń Fizikalıq shınıǵıwlar hám sport penen shuǵıllanıw dáwirindegi organizmniń is qábiletinde, ondaǵı elementlar hám energiya almasıwın hám de júrek-qan tamırları sisteması, dem alıw aǵzaları, as sińiriw aǵzaları, nerv hám bulshıq etler sisteması iskerliginde bir qatar ayriqsha ózgerisler haqqindaǵı túsinikler slaydlar járdeminde túsindirip berildi.
Sonıń menen birge, sportshılardıń start aldı jaǵdayı túrleri hám júzege keletuǵın sportshı organizmindegi ózgerisler haqqındaǵı túsinikler tıńlawshılarda qızıǵıwshılıq oyattı hám sabaqtıń qıziqli ótiwine sebep boldı. Sabaqtıń bekkemlew bóliminde “Fiziologiyalıq diktant” metodınan paydalandı hám sabaq juwmaǵında tıńlawshılardıń qızıqtırǵan sorawlarına juwap berdi.
