Извините, этот текст доступен только на “Qaraqalpaqsha” и “O`zbekcha”.
Nókis filialında usı jıldıń 10 -fevral kúni filialdıń “Jámiyetlik pánler” kafedrası baslıǵı N. A. Tlewbergenova hám Qaraqalpaqstan Respublikası Awıl xojalıǵı hám agrotexnologiyalar institutınıń ózbek tili páni oqıtıwshısı Fazu Sharjanovalar tárepinen “Mámleketlik tilde is júritiw” boyınsha “Jańa ózbek-latın álipbesi” temasında zoom programması arqalı onlayn seminar shólkemlestirildi. Seminarǵa filialdıń professor oqıtıwshıları, isshi xızmetkerleri hám fevral ayı “Sport túrleri boyınsha trener-oqıtıwshılar” baǵdarı tıńlawshıları qatnastı. Seminarda Ózbekstan Respublikası Prezidentiniń 2019 -jıl 21-oktyabrdegi “Ózbek tiliniń mámleketlik til retindegi ornı hám abroyın arttırıw ilajları haqqında” ǵı PF-5850-sanlı Pármanında belgilep berilgen wazıypalar haqqında sonıń menen birge latın álipbesiniń búgingi kúndegi áhmiyeti hám ózbek-latın álipbesine kiritilip atırǵan ózgerisler haqqında túsinikler berildi.
