Jismoniy tarbiya va sport bo‘yicha mutaxassislarni qayta tayyorlash va malakasini oshirish instituti Nukus filialida joriy yilning 16-iyun kuni “23-iyun Olimpiya kuni” munosabati bilan “O‘zbekiston Respublikasida xizmat ko‘rsatgan sportchi”, “Qoraqalpog‘iston Respublikasida xizmat ko‘rsatgan madaniyat xodimi”, “Shuhrat” medal sohibi, Boks sport turi boʻyicha Osiyo o‘yinlari g‘olibi Avezbayev Alisher Saparbayevich ishtirokida davra suhbati tashkil etildi.
Davra suhbatida filial xodimlari va iyun oyi malak oshirish kursi Sport turlari bo‘yicha trener o‘qituvchilar yo‘nalishi tinglovchilari ishtirok etishdi. Davra suhbatida A. Avezbayev “23-iyun Olimpiya kuni” munosabati bilan tabriklab, o‘zining sportga kirib kelishi, sportdagi yutuqlari haqida suhbat olib bordi. Tinglovchilar o‘zlarini qiziqtirgan savollariga tegishli javoblarini oldilar.
b