Usı jıldıń 28-avgust kúni Dene tárbiyası hám sport boyınsha qánigelerdi qayta tayarlaw hám bilimin asırıw institutı Nókis filialında Qaraqalpaqstan Respublikası Sport ministrligine qaraslı sport mektepleriniń metodistleri ushın seminar ótkerildi.
Seminarda Nókis filialı direktorı, docent Q. Mamutov, Sport ministrligi wákilleri, sport mektepleriniń metodistleri hám Nókis filialınıń professor-oqıtıwshıları qatnastı.
Seminar dawamında sportta joqarı nátiyjelerge erisiw ushın zárúr bolǵan tájiriybe hám faktorlardan durıs paydalanıw, sonday-aq sport mekteplerinde jumıs alıp barıp atırǵan trenerlerdiń jumıs júklemelerin durıs bólistiriw boyınsha metodikalıq kórsetpeler berildi.
