Dene tárbiyası hám sport boyınsha qánigelerdi qayta tayarlaw hám bilimin asırıw institutı Nókis filialında filial yuriskonsultı A. Jamalov tárepinen “Korrupciyasız jámiyet quramız” temasında sáwbet ótkerildi.
Sáwbetke oqıw, ilimiy hám xalıqaralıq baylanıslar boyınsha direktor orınbasarı J. Abatov, kafedra baslıqları, bólim baslıqları hám professor-oqıtıwshılar qatnastı.
Sáwbet dawamında rawajlanıwdıń jańa basqıshına qádem qoyıp atırǵan Ózbekstan ushın korrupciyanıń hár qanday kórinisi reformalardıń ámelge asırılıwına tosıq bolatuǵını hám jámiyet rawajlanıwına qáwip tuwdıratuǵını atap ótildi.
Sonıń menen birge, korrupciyaǵa qarsı gúresiw hám onıń aldın alıw hár bir adamnıń wazıypası ekenligi túsindirildi. Jámiyette korrupciya jaǵdayları qanshelli azaysa, jámiyettiń rawajlanıwı sonsha tezlesetuǵını haqqında pikirler bildirildi.
