Sorry, this entry is only available in Qaraqalpaqsha, O`zbekcha and Русский.
Usı jıldıń 22-iyun kúni Dene tárbiyası hám sport boyınsha qánigelerdi qayta tayarlaw hám bilimin asırıw institutı Nókis filialında iyun ayı bilimin asırıw kursı tıńlawshıları ushın Qazaqstan Respublikası Aqtóbe qalası Alǵa rayonı sport mektebiniń joqarı kategoriyalı treneri Esengaliev Sergazi Quwanıshbay ulınıń qatnasıwında “Arnawlı shınıǵıwlar járdeminde boksshılardıń texnikalıq-taktikalıq sheberligin jetilistiriw” temasında seminar ótkerildi.
Seminar dawamında boks sport túrinde sportshı ushın zárúr bolǵan pazıyletler, jeńiske erisiw ushın óz ústinde qalay islew kerekligi hám sportshılardıń texnikalıq-taktikalıq sheberligin jetilistiriw usılları haqqında maǵlıwmatlar berildi.
Sonday-aq, boks sport túrindegi sońǵı jańalıqlar haqqında pikir almasıp, qatnasıwshılar tárepinen usınıslar bildirildi.
