Sorry, this entry is only available in Qaraqalpaqsha and O`zbekcha.
Ózbekstan Respublikası Prezidentiniń 2022-jıl 2-iyul kungi “Qaraqalpaqstan Respublikası aymaǵında ayrıqsha jaǵday engiziw haqqındadaǵı PF-169 sanlı pármanı” atqarılıwın támiyinlew maqsetinde usı jıldıń 20-iyul kúni Dene tárbiyası hám sport boyınsha qánigelerdi qayta tayarlaw hám qánigeligin asırıw Institutı Nókis filialında jıynalıs ótkerildi. Jıynalısta: Ózbekstan Respublikası Sporttı rawajlandırıw ministri orınbasarı A. Aslanov, Suw sportı túrleri boyınsha ROSMM direktorı J. Akramov, Dene tárbiyası hám sport boyınsha qánigelerdi qayta tayarlaw hám qánigeligin asırıw institutı rektori I. Tursınaliyev, Nókis filialı direktorı Q. Mamutov, Nókis qalalıq IIO FMB baslıǵı Polkovnik Z. Zaitov, hám filialdıń professor -oqıtıwshıları hám xızmetkerleri qatnastı.
Jıynalıstı filial direktorı Q. Mamutov ashtı hám alıp bardı. Q. Mamutov jıynalıs qatnasıwshısıların kún tártibindegi máseleler menen tanıstırıp ótti hám óz sózinde mámleketimizdiń paraxatshılıǵı, xalqımızdın erkin ómir súriwi Prezidentimizdiń aqılǵa say alıp barıp atırǵan siyasatı, turmıs tárizimizdiń taǵı da alǵa ilgerilep baratırǵan bir dawirinde, kóp ásirlik aymaq hár qanday mámlekettiń tiykarǵı belgilerinen biri esaplanıp, mámleketimizdiń xalıq aralıq huqıqınıń eń zárúrli principlerinen biri ekenligin aytıp ótti.
Sonnan keyin Ózbekstan Respublikası Sporttı rawajlandırıw ministri orınbasarı A. Aslanov sózge shıǵıp, sońǵı waqıtlarda uzaq hám jaqın shet mámleketlerde, atap aytqanda, Qazaǵstanda, sonıń menen birge Tajikistannıń tawlı Badaxshon aymaǵındaǵı júzege kelgen qarama-qarsılıqlar hám ayırmashılıq háreketleri haqqında aytıp ótip hámmeni qıraǵılıqqa shaqırdı.
Nókis qalalıq IIOFMB baslıǵı Polkovnik Z. Zaitov Qaraqalpaqstanda bolıp ótken waqıyalarda sırtqı buzǵınshılıq háreketlerine qaratılǵan kúshlerdiń qatnasıwı haqqında aytıp, ǵalabalıq tártipsizliklerdiń kelip shıǵıwında mámleket sırtında islep atırǵan, sońǵı jıllarda ǵalaba xabar quralları jáne social tarmaqlarda jalǵan maǵlıwmatlardı tarqatıw jolı menen qarama-qarsı pikirler payda etiwshi adamlardıń tásiri úlken bolǵanlıǵın tastıyıqlap ótti.
Jıynalıs juwmaǵında barlıq jıynalıs qatnasıwshılarına tınıshlıq –amanlıq tilep, keleshekte qıraǵılıqqa shaqırdı hám tiyisli xızmetkerlerge tapsırmalar berildi.
