O‘zbekiston Respublikasi Prezidentining 2018 yil-18 dekabrdagi “Yuqumli bo‘lmagan kasalliklar profilaktikasi, sog‘lom turmush tarzini qo‘llab-quvvatlash va aholining jismoniy faolligi darajasini oshirish chora-tadbirlari to‘g‘risida”gi PQ–4063-son qarorida belgilangan vazifalar ijrosini taʼminlash maqsadida 2021 yil 15 oktyabr kuni Nukus filalida “Sport fanlari” kafedrasi o‘qituvchisi Orazbayeva Navbahor tomonidan “Sport turlari bo‘yicha trener o‘qituvchilar” yo‘nalishi tinglovchilariga “Qandli diabet bu -yuqumli bo‘lmagan kasallik” mavzusidagi seminar o‘tkazildi. Seminarda yuqumli bo‘lmagan “Qandli diabet” kasalligining kelib chiqishi va uning oldini olish haqida keng tushunchalar berildi. Kasallik rivojlanishining asosiy sabablari, belgilari va alomatlari bo‘yicha bukletlar tayyorlanib tinglovchilarga tarqatildi.
